පංචාංග ලිතෙන් ඔප්පුවන ලංකාවෙ ලෙස්බියන් සීන්.,...

කොටස් වශයෙන් ලියන කතා දෙකක් යනවනෙ මේ දවස්වල  බ්ලොග් එකේ... දැන්  මේ එයින් එකක අන්තිම කොටස ලියන්න කියල වාඩි උනා විතරයි.. අපේ අම්මත් ඇවිත් මගේ ගාවින් වාඩිවෙලා අරක මේක කියන්න ගත්තා... ඔන්න ඔය සීන එක නිසා මම වැඩේ පොඩ්ඩකට නවත්තල සින්දුවක් දාගෙන අම්මත් එක්ක චැට් එකක දාගෙන හිටියෙ මගේ වැඩේ තනියෙන් කරන්න  මම කැමති නිසා... අම්ම ගියාම ලියනව ... මම හිතුවෙ  එහෙමයි...

ඒත් මෙන්න බොලේ එක පාරට මොකද්ද වැටුනා මගේ උරහිසට... මම උඩ විසිවෙලාගියා...බයවෙලා  දඟලලා පුටුවෙන වැටෙන්නෙත් නැතුව අම්ම ඉස්සරහ සරම කඩාගන්නැත් නැතුව ලෝක මාරුවෙන් බේරුනා කියමුකො...

වැටිල තියෙන්නෙ හූනෙක්... නොදකි විතරක්...

හූනත් ඩිම් පුල් වෙලා වැටිච්ච පාරට එහෙමම ඉන්නව හෙලවෙන්නෙ නැතුව බිම...

ඌට ඕනෙවෙලාවක යන්න ඇරල මම ආයෙත් වාඩි උනා පුටුවෙ...

මෙන්න අම්ම කියනව හූනං ඇගවැටීමේ පලාපල බලන්නලු......  මොනවද තියෙන්නෙ කියල...

" ඔක වැටුන කියල මොකද්ද අම්මෙ වෙන්නෙ ...... ඇයි මූ සුර දූතයෙක්ද...... නැතිනං සාතන්ගෙ අවතාරෙද..."

 මම කෑගහල නිකං ඉදියා...

" ඔය නිකන් තියෙන ලිතේ  බලපංකො දරුවො..."

අම්මගෙන් බේරෙන්න බෑ....

" අම්මට ඕනෙනම් බලාගන්න.. මට වැඩක කරගන්න දීල... "

මම එහෙම කියල ආයෙත් මොනිටරේට මූන ඔබාගත්තා...

අම්මත් කාමරෙන් එලියට ගියා ආයෙ මොනවත් නොකියම.. ඔන්න දැන් මේක ලියල දාන්න පුලුවන්.. එහෙම හිතාගත්තට ආව මට පොඩි පහේ චූ බරක්...   බරවල් තියාගෙන මේක ලියතෑකිද...  ඕක දාල එන්න ඕනෙ...

මමත් ගියා බාත් රූම් එක පැත්තට...

මෙන්න මම යනකොට අම්ම කුස්සියේ බිත්තියේ අලවල තියෙන ලිත බලනවා... ....

මම එතනින් යනකොටම අම්ම හිනාවෙලා යන්න ගියා.. ... අම්ම මහ කින්ඩි හිනාවක් දාපු නිසා යනගමන පැත්තක තියල මමත් ඔන්න ඔහේ එබිල බැලුවා ලිතට...


හූනං ඇගවැටීපේ පලාපල... 

නළල- තානාන්තර
හිස -කලහ
බැම- රජුන්ගේ බුහුමන්
මුහුණ - බන්දු දර්ශන

යකෝ හූනෙක් වැටෙන්න ඕනෙද අර අල්ලපු වැටේ ඉන්න හරක් බන්දුව දකින්න... දවසට දහ දොලොස් වතාවක් ඕකා බුලත් කහට දත්සැට් එක පෙන්නල විරිත්තනවනෙ... හූන කෙසේ වෙතත් ඕක රෑකට දැක්කොත් මහසෝනෙක් වගේ වෙයි...
 
මට ඒවයින් වැඩක් නෑනෙ.....කෝ මේ වම් උරහිස.... මම හොයාගෙන හොයාගෙන යනකොට මෙන්න තියෙනව බඩු...

යකෝ චූ බර වාස්ප උනා... ආව ආතල් එකට....

වම් උරය - ස්ත්‍රී සැප

ෆුල් ආතල්...

මට හිනා ගියා මහ හයියෙන්... අම්මත් මරුවෙලා ගියා යන්න....

ආයෙත් කාමරේට ඇවිත්  ඇවිත්  උන මට ආවෙ බ මට ආවෙ මාර ප්‍රස්නයක්...

ඔක්කොම දමලගහල මේක ලිවුවා ප්‍රස්නෙ නිරාකරණය කරගන්න...
දැන් මේකයි ප්‍රස්නෙ...

ඕකෙ පුරුසද ස්ත්‍රීද කියල නෑනෙ... එතකොට ස්ත්‍රී පරානෙක වම් උරහිසට හූනෙක් වැටුනත් ස්ත්‍රී සැපද... ?? 

ඔය පංචාග ලිත කියන්නෙ සෙල්ලම් පහේ බඩුවක්ද.. අවුරුදු නැකතෙ ඉදල අරකද මේකද හැම එකකම තියෙන්නෙ ඕකෙනෙ...ඒක නිසා වැඩේ ඇත්ත වෙන්න ඇති...

අනික ඉතිං හූන කිවුව වගේ කියන්න නිකන්යැයි... බලං ගියාම  පංචාංග ලිතෙන් ඔප්පු වෙනවනෙ ලංකාවෙත් ලෙස්බියන් සීන් තියෙනව කියල...

ආයෙ හෝදන්න දෙයක් නෑ... හූන කිවුව වගේම තමයි....


ම්ම හිතන්නෙ කොල්ලොන්ගෙ වම් උරහිසට වැටෙන්නෙ  නොකන හූනො වෙන්න ඇති... එතකොට කෙල්ලොන්ගෙ... ??