2016-01-06

සල්ලිද .. මිනිස්සුද බ්‍රෝ .. ??




බ්‍රෝ ... 


මේ දවස්වල බුකියෙන් ප්‍රසිද්ධ වෙච්ච ආමන්ත්‍රණයක් ..
ඉස්සර උණවටුනෙත්  හිටිය  බ්‍රදර්  කියල එකෙක් ... 
කාගෙත් හිතවතා ... කොයි කවුරුත් කතා කරේ ඌට බ්‍රදර් කියල .. 
හැබැයි ... 
කාගෙ කවුද .. ඉන්නෙ කොහොමද ... වයස කීයද ... කරන්නෙ  මොනවද .. රස්සාවක් ..  බැඳලද ඌව දන්න කිසිම එකෙක් දන්නෙ නෑ ... 
අඩුම තරමෙ නමවත් ... 
බ්‍රදර්  විතරයි ... 

කාලයක් කොන්ඩෙ වවාගෙන, බැඳගෙන  ආරුගම්බෙ  හරි වේවුස් හරි  ස්ලීපස් දෙකක් දාගෙන .. 
 බොහෝ වෙලාවට,ටී එක කරේ දාන්ගෙන ;රිදී. සුදු යකඩ මාල දාගෙන පාට පාට සඟක් දාගෙන .. චිලි කැෆේ , වයිබ්‍රේශන් ,හැපි බනාන පැත්තෙ රවුමක් දාගෙන ඔහේ ඇවිද ඉන්නවා ...  
කොල්ලො එක්ක .. 

කාලයක්... 
කන් කඩාවැටෙන්න ගහල .. මඩ තැවරිල කිලුටු වෙලා, 
කොන්ඩේ ඩාගෙන ,පිස්සෙක් වගේ ;
ටයිර් කඩේ , රොටී කඩෙ ,වැල්ලෙ , නුගේ , කඩොලානෙ , අතුපැලේ .. 
අංකල්ල සෙට් එකක් එක්ක ... 

කාලයක් ..
රේස් බයි එකේ , බුකියෙ ,ඩාලින්  එකේ , ගෝල් ඉන් එකේ ...  
එක  නාකි බූඩලත් එක්ක ... 

කාලයක් 
සැන්මිරා එකේ .. යූ බී ආර් එකේ  එක එක ටයි කෝට් දාපු පොරවල් එක්ක ... 

කාලයක් 
බීච් සෝටක් ගහන් , කට්ට කලු වෙලා  බෝඩ් එකක් අරන් .. යුක්‍රේන් , ජර්මන් ,රශිය 19 යෙ 20 සුද්දියෙක් එක්ක ... 

කාලයක් 
ඇලියොන් , ප්‍රියස්  වල  ඇඩිඩාස් ස්නිකර්ස් ගහල  කොන්ඩෙ කපල කනට කරාබුවක් දාල අයි ෆෝන් එකක් එක්ක  විස්කි කෑලක් එක්ක ... 

එක එක වෙලාවට කොහෙන් හරි  පොරව  සෙට් වෙනව ... 

සමහර එලාවට බෑම කිවුවත් ... බලෙන් ඇදන් ගිහින්  රෙඩ් ලේබල් එකක් කඩලා මැල්බරෝ පැකට් එකක් මේසෙ උඩට විසි කරනවා ... 
එහෙම නැතිනම්  .. වරෙන් වරෙන් කියල  ඉනේ ගහගනිපු ගල් බාගයක් දික් කරලා  පරිප්පු ඇට පැකට් එකකින් ඇට දෙක තුනක් අල්ලට හලනවා ... කනේ ගහගෙන ඉදපු කැප්ටන් එකක් පත්තු කරනව ... 

තවත් සමහර වෙලාවට ..  
" බ්‍රදර් .. දුංකොල ටිකක් පුච්චන්න විදියක් නැද්ද ...  . ?"
කියල ලගට ලං වෙල ශේප් එකේ කියන වෙලාවලුත් තියෙනවා ... 

ඉදල හිටල, සති ගානකට ආයෙ ඇහැට දකින්න නැති  උනත් .. පැයෙන් දෙන්න රු 100 ත් ඉල්ල  ගන්නවා ...  
අඩුත් නෑ වැඩිත් නෑ 100 යි .. 

ඒ උනාට නිතරම පාරක දැක්කොත් ,

ස්කූටි .. බාජ ... හොනට් .. සීබී .. ඇල්ටො .. පැන්ඩ  වගේ කාර්වලිනුත්  ගමන්  බිමන්  යනවා ... 

" බ්‍රදර් .. උබ එක එක දවසට  එක එක වාහනේ නේ ...   ඊයෙ ආවෙ හොනට් එකෙන් .. අද ඇල්ටො එකෙන් ... ..  පෙරේද සිගර්ට් එකක් බොන්න විදියක් නැතුව දැගලුවා ... 

" අනේ බං මගෙ නෙවෙයි ... යාලුවෙක්ගෙ ...  "
 " එතකොට ගිය සතියෙ ඇලියොන් එකේ ආව කෑලක් එක්ක ...  "

 " ඒ කාර් එක ඒ කෙල්ලගෙ බ්‍රදර් ...   කෙල්ල තමා යාලුවගෙ ...  "

අපි ඔක්කොම හිනා උනා ... 

ඌ ඉන්න තැනක කොහොමත් හරි ප්‍රිය මනාපයි .. විහිළු තහලු ... රස කතා ගොඩයි ... 
කොහේ අරි තැනකට එක පාරට බ්‍රදර් එනව කියන්නෙ එතන සිට පිට වෙලා යනකං වෙදිකාව  උගේ ... 
කිසිම තැනක පැය දෙක තුනකට වඩ ඌව දකින්න බෑ ... 

එහෙම තැන් වලදි ඌ කියන්න පුරුදු වෙලා ඉඳපු දෙයක් තිබුනා ... 

" මම සල්ලි හම්බ කරේ නෑ .. මම හම්බ කරේ  මිනිස්සු ...  "

කාලෙකට පස්සෙ අද අහම්බෙන්  හයි වේ එක ලගදි මගේ ලග බරාස් ගාල නතරකරා 
ප්‍රාඩෝ තඩියක් ... 

ක්‍රීස් ... 
වීදුරු පහත් උනා ... 

 අම්මට හුඩු ... බ්‍රදර් කාරයා ... 

" ඉතිං බ්‍රදර්  කොහොමද ... කාලෙකින් දැක්කෙත් ...  "
ඌ මගෙන්  බොහොම සිරා විදියට හිනා වෙලා ඇහුවා ... 
" අඩෝ ඒකනෙ ... දැන් දැන්  මොන්ටෙරෝ උබට දන්නත් යාලුවො ඉන්නව නෙ ...  "

" නෑ  බ්‍රදර්  මේක  මගේ ....  "

මට ඇඩ්‍රස් නැති උනා ... 
කොච්චර උනත් ඌට කිවුව වචනෙ හරි නැති නිසා .. ඒක කැපිල යන්න මගේ හිදිසි සංතෝසය පල කරා ..
" අඩෝ එලනෙ ... එහෙනං උබ  ගොඩ ගිහින් ආ ...  "

" ඔවු කෝස්  බ්‍රදර් .... අර මම ඉස්සර කියනවනෙ මම සල්ලි නෙවෙයි හම්බ කරේ මිනිස්සු කියලා ... "

 "ඔවු ඔවු ..  ඒක තමයි බං වෙන්න ඕනෙ ...  සල්ලි බල්ලොවත් කනවද ...  ?මිනිස්සු තමයි හම්බකරන්න ඕනෙ ..  "

" අනේ උබේ ... පුක ......  "
සල්ලි වලින් ඕනෙ දෙයක් කරන්න පුලුවන්...  ඒව ඔක්කොම එක වගේ ..
මිනිස්සු එක්කත් ඕනෙ දෙයක් කරන්න පුලුවන් .. හැබැයි එක එක වගේ ..

සල්ලි වෙනස් වෙන්නෙ නෑ ... 
මිනිස්සු වෙනස් වෙනවා ... 

 ඉතිං බ්‍රදර් මිනිස්සු හම්බ කරා කියන්නෙ ..  ඒව චංචල දේපල 
ඉතිං 

- ඒ හම්බෙච්ච මිනිස්සු ඔක්කොම මම සල්ලි වලට විකුන්න ... _ 


2016-01-02

පොඩි මෑන් ප්‍රසැන්ට් - අති විශේෂ ( DCSL) ජනෙල් සුප්


සිංහල බ්ලොග් අවකාසයේ  සූප සාත්‍රය පටන ගත්තේ .. මං දන්නා තරමින්  " මාරයාගේ  හෝරාවය "

දේස දීපාංකරේ සිංහල කෑම ඒලක උක විදින උන් පමනක් නොව  අපේ ඛේට දාතුවද ස්මයිල් අන කෑම ජාති  එක එක එවුවා හදාගෙන පොර මේකේ ඇලෙවුවාය ...

පස්සෙ පස්සෙ ඔය ලෙඩේ  බොගෙත් .. බුකියෙත් සීග්‍රයෙන් පැතිර ගියෝය ...

බුකියෙත් , ටීවී එකෙත්  කෑම ජාති මොන යකා මොන ලෝකේ හදපුවාදැයි මටනං තේරෙන්නෙ නැත ...

ටීවී එකේ ද අර සරණිය මේ පවනියා කියා එකසිය ගානට කුකරි ප්‍රෝග්‍රෑම් යනවාය. 

අපේ ගෙදර උන්දලාත් පොත් පෑන් පැන්සල් තියාගෙන...ලියාගෙන ... ඕවා බලනවාය 
ඒත් හදපු මළ බතක් මතක නැත ...

ඕන්න ටික කාලෙකට ඉහතදීනං , සුදු උස තොප්පියක් දැමූ මිස්ටර් ඕපාත අංකල් කියාලා දුන්න විදියට එලෝලු රොටි හැදුවා මතකය ...

හැඩේ පොඩ්ඩක් ලෙඩේ වී තිබුනත් රසනං එකසියගානට මරුවට තිබුනාය . ඒත් ඉතිං එලෝලු රොටි හදන්නට ගලදාරී හෙඩ් චෙෆ් උවමනා නැත . හංදියේ බේබි අයියාගෙ කඩේ ආප්ප මල්ලිගෙන් ඇහුවානං .. 

එලෝලු රොටි විතරක් නොව බිත්තර රොටි , මස් රොටි , මාලු රොටි , ගෝදම්බ රොටිය දකවා පට් ගාලා කියා දෙනවාය ...

රොටියේ අවුට් ලේයර් එකේ ගෝල්ඩන් කලර් එක ප්‍රොටෙක්ට් කර ගැනීමට , නන් ෆැට් බටර් පින්සලෙන් ගා සොෆ්ට් ටිෂූ එකක ඔතා මයික්‍රොවේවු එකේ පැරන් හයිට් 130 තර්ටි මිනිස්ට් බේක් කර ගැනීමට කරදර නොවී ආප්ප මල්ලී ... , ඇලුමිනියම් මේසයේ අතුරා , නවා පිටි පොඩ්ඩක් දියිකරගා අලවා සිස් ගාල තැටියට විසිකොට ඇගිලි දෙක පුකේ පිහිදාගන්න ලේසි ක්‍රමය කියා දෙනවා ඇත ....

මුන්ට ඕවා නොතේරෙන්නේ මන්දැයි මට තේරෙන්නෙ නැත ...

තවත් බොහෝ කලකට ඉහතදී දවසක් .... 
මාලුවෙකු ගෙන්වා .. උගේ බඩ පලා .. අරමා මේවා ඔබා ... 
ඉසුරු නොබ් දෙකක් ගසා .. වෙලේ පාස් ඔයිල් ගල්වා පැය බාගයක් පමන පොඩි පත්තකින් තට්ටු කරමින් මාලුවාට දෙනු ලබන මසාජ් එක මොකද්දැයි ඇහැ දංකුඩ කරගෙන මම බලාගෙන සිටියාය ..

ඊට පසු ඌ පෙති කපා බැද රවුන් කොට පුප්පවා ... ගුලිකොට බෝල බෝල කොට අවන් එකේ දැමුවාය ...
මගේ ඇස් බෝල කුස්සිය පුරා බම්ප්වෙනු දැක

" අපි _ෆිශ් ඩුග්ලරි_හදනවායැයි කුස්සියෙන් උත්තර ලැබුනේය ... "

මොන ලැරිය හරි අලුත් කෑමක් කෑමේ චිත්‍තක් ප්‍රමෝදයෙන් යුතුව ඇග පත සෝදා මේසට ආ කල වෑන්ජන දෙකකුත් කටලටුත් බතුත් තිබෙනු දැක මගේ ෆිශ් ඩුග්ලරියට කුමක් සිදු උනාදැයි බියෙන් මම විලාප තැබුවෙමි ....

අවසානයේ ලගට පැමිනි පිස් ඩුගලරි නිෂ්පාදිනී ... මා කටලට් යැයි රැවටුනේ අසවල් ඩුග්ලරියට බව මට තරයේ කරුනු පැහැදිලි කරමින් කියා දුනි ...

හැඩයැනුත් රසයනුත් වෙනසක් නැති .. උපන්දා සිට කට්ලට් යැයි හදුන්වා දුන් රවුම් බෝල කෑම විෂේශයක් " ෆිස් ඩුග්ලරියැයි " කියා බඩපුරා කා .. අතුරුපසට ඇල්ටොනික් වීදුරුවකින් සන්තර්පනය වී එදා රාත්‍රිය සතුටෙන් අප සැම නින්දට ගිය හැටි මගේ මතකයෙ අද වගේ නොමැකී සටහන්ව තිබේ ....

ඉස්සර ඕපාත අංකල්ලා පබිස්ලිස් සීයලා වැඩ දැම්මාට දැන් දැන් , එක එක චෙෆ් අයියලා අක්කලා මාමලා නැන්දලා සූ ගාලාය...

බුකියෙත් ඕනෑතරම් ඉන්නවාය ..

මේ අල්ල පනල්ලෙ අලුත් කෑමක රෙසිපියක් දා මටත් නිකන් චෙෆ් පට්ටමක් ගසාගැනීමට මට පුල් චුවෑනිස් අයිඩියාවක් පහල විය ...

ඒ අඩියාව පහල වීම නිමිත්තෙත් මෙන්න මං චෙෆ් තුමා කුලුදුලේ ඉදිරිපත් කරන


අති විශේෂ  (DCSL )- ජනෙල් සුප් -


මේ සදහා අපට උවමනවා වෙන්වා පරන ජනේලයක් ...

දැන් මේ කාලෙ කවුරුත් තමන්ගෙ ගෙවල් නවීන පන්නයට හදනවනෙ ...

එතකොට පරන අයින් කරපු ජනේලෙකින් අපිට පුලුවන් රසවත් සුප් එකක් හදාගන්න ...

පරන ජනේලයක් අරගෙන පොරවක් අදාරයෙන් කුඩා කැබලි වලට පලා ගන්න ...
ඊට පස්සෙ ලොකු වතුර මුට්ටියක් ලිපේ තියලා ...

අගල හතරෙ ඇන 100g 
ග්‍රීස් ස්වල්පයක් 
සරනේරු පොඩි කෑල්ලක් ...
දැකල තියෙනව නේද ඉස්සර අර ජනෙල් වල දාල තිබුන පොලු ... 
අන්න ඒ පොලු කෑල්ලකුත් මේකට එකතු කරගන්න පුලුවන්නම් සුප් එක වඩාත් රසවත් වේවි ...

ඊට පස්සෙ ස්පැනර් එකක් අරගෙන මේක හොදට නටනකන් හැදිගාගන්න ... 
ඊට පස්සෙ උනු උනුවෙන්ම පිලිගන්වන්න ...

ඔය කොච්චර එපා කිවුවත් ජනෙල් උඩ නගින දුවන පනින අපේ දග පොඩ්ඩො 
ජනෙල් පඩිය උඩ තියාගෙනම රස ගුන සපිරි

" ජනෙල් සුප් "

කෝප්පයක් බොන්න හරිම කැමති වේවී .......


ටං ටංංනා ......... ++++++++