කෑදර හෙවත් කෑ බෑ පුතාගේ තවත් වික්‍රමයක්....

අපේ සෙට් එකේ ඉදපු කෑදරයගෙ  " ලු " කතාවක්  මම කලින් කිවුවනෙ... ඕක පරන කතාවක් කියල ඔය කතන්දර එහෙම කිවුවා... ඒක නිසා පොරරගෙ ඇත්තම කතාවක්  කියන්න තාමයි මේ හදන්නෙ...

ඒ ලෙවල් කරන කාලෙ  ඒ කියන්නෙ 2007 - 2008  අවුරුදු දෙකේ පාසලේ සීනියර් ප්‍රිෆෙක්ට් බෝඩ් එක තමයි ඔය අපේ සෙට් එක කියන්නෙ.. 24 දෙනෙක් ඉදපු සෙට් එකට ගුරුවරු පවා කිවුවෙ යමයො රැල කියලයි..  ඒ කාලෙ තිබුන ලොකුම ආතල් එකක් තමයි ලංකාව පුරාම ප්‍රිෆෙක්ට්ස් ඩේ වලට යන එක..  ඒකාලෙ ඉදලම ප්‍රිෆෙක්ට් ඩේ සංස්කෘතිය හා ඩේ නිසාම සෙට් වෙච්ච යාලුවො හැන අභීත එහෙමත් ලියල තියෙනව   මම දැක්කා..

ඔන්න ඔය වගේ ඩේ එකකට යන්න අපි සෙට්වෙන්න කතාකරගත්ත  සෙනසුරාද දවසක උදේ පාන්දරම ගාල්ලෙ ස්ටේෂන් එකට.. ඩේ එක තියෙන්නෙ මාතලේ  ඊට පහුවෙනිද... ඒ කියන්නෙ ඉරිද...  කොළඹින් 10. 30 තියෙන පොඩි මැණිකෙ ටේන් එකේ ගියාම 3 විතර වෙනකොට මාතලේ බහින්න පුලුවන්..  දුර ඩේ එකක් යනකොට කොහොමත් එහෙමයි ... වේලාසන ගිහිල්ල එහේ ඉන්න උන්ගෙ ගෙවල්වල රවුමක් දාල කොහෙන් හරි පැනල නාල කාල බීල රෑ වෙනකොට ඩේ එකට තියෙන ස්කෝලෙට එනවා... එදා රෑ ස්කෝලෙ තමයි නවතින්නෙ.. අපි වගේම දුර ඉදල එන තව ස්කෝල 10වත් නවතිනව අඩුම ගානෙ රෑට එදාට..

 ඔන්න ඒ වගේ සෙනසුරාද උදේම  යන්න ලේස්තිඋනත් මොකක හරි හේතුවක් නිසා අපිට කියපු වෙලාවට යන්න බැරි උනා .. අපේ කාගෙ හරි එකෙක්ගෙ  බුලක් නිසා තමයි... උදේ 7ට පිටත් වෙන්න ඉදපු එක  ගාල්ලෙන් පිත් වෙනකොට 3 විතර වෙලා මතක හැටියට...

යනකන් උගේ පරම්පරා වරුණනාව කියාගෙන  හිගින් කොහොම හරි මාතලේ බහිනකොට වෙලාව 11.30 විතර වෙන්න ඇති ස්කෝලෙට යනකොට 12 කිට්ටුයි...  ( ස්කෝලෙ නම මොකද්ද කියල නොවැලැක්විය හැකි හේතුව නිසා කියන්න බෑ..  මාතලේ ප්‍රධාන පිරිමි පාසල් කියල විතරක් මතක තියාගත්තම හරි  )

මාතලේ ගිහින් සෙට් වෙන්න තියාගෙන තියපුව පරක්කු නිසා කෝච්චියේම සෙට් වෙලා තිබුන නිසා කට්ටිය ආවෙ හොදට නිදාගෙන... ඒක නිසා අපි එනව කියල කන්ෆෝම්  කරන්න බැරි වෙච්ච නිසා  අපිට ඩිනර් එකත් නෑලු....


 ඔන්න  කෑදරයගෙ  ඔලුවට යකා වැහිච්ච තැන...

" මුන්ගෙ  අම්මලට  හු###  එනව කියල කිය කිය එන්න ඕනෙද... ?? අපි කලින්ම කිවුවනෙ අපි එනව කියල...   දැන් මම මුන් එකෙක් හරි මරාගෙන කනවා  ඇයි යකෝ.. මගේ ඇස් දෙක පේන්නෙ නෑ බඩ ගින්නට... කඩවලුත් වහල මගුල.. "

කෑදරගෙ බෙරිහන්දීම අපි ඉවසගෙන හිටියෙ අපිටත් අම්භානෙක බඩගිනි නිසා....

උන් එක්ක ටිකක වෙලා කුටු කුටු ගාපු අපේ දුමින්දය අපේ තැනට ආවා...

 හරි මචං  නයිට් කඩයක් තියෙනවලු උන්ගෙ සෙට් එකකුත් අපිත් එක්ක එනවලු එතනින් කෑම කන්න පුලුවන් කියල කිවුවා...

" හු ####  දැන්ද ඕක කියන්න   කැ###  @#%$#@$&%^*<{"<>()&*  "

 කෑදරය සුපුරුදු ලෙස අම්ම මෝ නැතුව අරුන්ට බනිනවා...  ඒ මදිවට කලුවරේම එතන තිබුන බට් ඇඹරැල්ල පැලයක ගෙඩි ටික විතරක් නෙවෙයි කොලට ටිකත් ඌ කාල....

 කොහොමින් කොහොම හරි  අපේ සෙට් එකේ 8යි  උන්ගෙන් තුනකුයි  නයිට් කඩේට ආව.. කන්න  ඇවිත් මේස දෙකක් එකට දාගෙන වාඩි උනා කන්න...

 " මචං මෙතන තියෙන නියමම අයිටම් එක තමයි චිකන් සුප් එක.. තනියෙන් එකෙක්ට ලොවෙත් බොන්න බෑ පත සයිස්... වගේම මාර රසයි  පාන් කාලක් එක්ක සුප් එකක ගැහුවනං ආයෙ බඩ පැලෙන්න තරමට... "

එහෙ ස්කෝලෙ එකෙක් අපිට රෙකමන්ඩ් එක දුන්නා ... ඒක නිසා අපිත් සුප් ඕඩර් කරා පාන් එක්ක...

සුප් එක ගෙනාවම තමයි දැක්කෙ ඌ කිවුවෙ ඇත්ත කියල...   ඒ කාලෙ හැටියට රු 80 වගේ වෙච්ච සුප් එක මාර රසයි වගේම පත සයිස්...  හැබැයි කෑදරයනම් සුප් එක දැකල කිවුවෙ වෙන කතාවක්...

" මේකද යකෝ තනි එකෙක්ට බොන්න බෑ  පත සයිස් කිවුවෙ...  හෙග්... මටනං පාන් ගෙඩියක් කන්න පුලුවන් මේකත් එක්ක.. "

 කෑදරයගෙ බඩේ තරම අපි දන්නව උනාට  ඒක අහපු අපේ මාතලේ සෙට් එක  කෑදරයට හිනා උනා...

" පාන් ගෙඩියක්... ඕකත් එක්ක... ?? අනේ පලයන් බං යන්න..  උඹ කොන්ඩදෙනියෙ හාමුදුරුවො වගේ පෙරේතයෙන් බැඳගෙන ආවත් ඕකනං කන්න බෑ ...  අපිට තනි සුප් එක බොන්න බෑ.. අපි තින්දෙනාම ගත්තෙ සුප් දෙකයි... "

උගේ සහජ දක්ෂතාවය අවතක්සේරු කරපු මේ නර පණුවො තුන්දෙනත් එක්ක කෑදරයගෙ තිබුන තරහ ඩබල් උනා උන් දාපු කින්ඩිය නිසා... යකෝ පිටින් ඇවිල්ල කන්න දුන්නෙ නැතුව මදිවට  එක එක කින්ඩිත් දානවා...  ඒක නිසා තමයි කෑදරය වහාම සංග්‍රාම භූමියට බැස්සෙ...

" හරි ඔට්ටුවක් අල්ලමු...   මම මේ සුප් එකත් එක්ක  පාන් ගෙඩ්යක් කනවා...  බැරි උනොත්  උඹලගෙ සුප් දෙකේ බිල මම ගෙවනවා...  මම කෑවොත්  මගේ බිල උඹල ගෙවන්න ඕනෙ හරිද.. ?? "

කෑදරයගෙ ඔට්ටුව උන්ට පෙනුනෙ වදුරෙක් ඇවිල්ල ගහක් උඩ ඉදගෙන නියවල කරන පොඩි විහිලුවක් වගේ... උන් උඩ පැනල ඔට්ටුව බාර ගත්තා... උන් දැන්නෙ නෑනෙ මේ ඉන්නෙ නිකන් වඳුරෙක් නෙවෙයි හිමාලෙ උනත් උස්සගෙන යන්න පුලුවන් හනුමන්ත  බව...

 ඔන්න මහා සංග්‍රාමය ඇරඹුනා..  කෑදරය කනව කනව කනව  කනව කනව කනව ...    ඉවරයක් නෑ  ආයෙ කනවා...

අරුන් තුන් දෙනා බයවෙලා බලාගෙන ඉන්නවා....

අපේ උන් අමාරුවෙන් සුප් එක බීගත්තත් සමහර උන් සුප් එක ඉතුරුකරල බලාගෙන  ඉද්දි කෑදරය තනියම සුප් එකත් එක්ක පාන් ගෙඩියක් කාල ඉවර කලේ වහල්ලක්වත් ඉතුරු නොකර...

අරුන් තුන් දෙනාගෙ ඇස් දැන් දැන් එලියට පැනල මේසෙ දිගේ රෝල් වෙයි කියල අපි බලාගෙන ඉදියා....

කාල ඉවර වෙලා උස්මක් අල්ලපු කෑදර උන්ගෙ දිහා බැලුවා...

" හරිනෙ මචං... එහෙනං බිල ගෙවනවනෙ... "

ඌ එහෙම ඇහුවාම උගේ දිහා බලාගෙන ඉදපු උන්ට පුලුවන් උනේ යන්නතන් ඔලුව හොලවගන්න විතරයි...

" අන්න එහෙම තමයි ඔට්ටු තියෙන්න ඕනෙ... .. "

 හිනාවෙලා බඩ අතගාල එහෙම කියපු කෑදරයා අපේ තව දෙන්නෙක් ඉතුරු කරල තිබුන සුප් කෝප්ප වල තිබුන සුප් උගේ එකට දාගත්තා...  දාගෙන කින්ඩි හිනාවක් දාල අරුන් තුන්දෙනාගෙ පැත්ත බැලුව...

"  ඔට්ටුව හරි උනාට මගේ බඩ පිරුනෙ නෑ බං  "

එහෙම කියල වේටරයට කෑගහල කතා කරා...

" අයියේ....... තව පාන් බාගයක් ගේනවයි....... !!! "


අරුන් තුන්දෙනා කලන්තෙ දැම්මෙ නැති එක විතරයි....  .......

                                                  ෴෴෴


 කෑදරයගෙ  " ලු " කතාව  මෙතනින් කියවන්න..

කෑදර හෙවත් කා බෑ පුතා..